04-13 sentyabr tarixlərində Astara Olimpiya İdman Kompleksində Lənkəran-Astara Regional Gənclər və İdman İdarəsinin, Astara Olimpiya İdman Kompleksinin birgə təşkilatçılığı ilə “Konstitusiya və Suverenlik ili” çərçivəsində Vətən müharibəsi şəhidlərinin xatirəsinə həsr olunmuş voleybol idman növü üzrə Astara rayon turniri keçirilib.
Turnirdə 6 komanda yarışların Dairəvi Sistemi üzrə mübarizə aparıb.
Cənub Press xəbər verir ki, açılış və mükafatlandırma mərasimlərində Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun əməkdaşları, Astara Olimpiya İdman Kompleksinin direktoru Aslan Ağayev iştirak ediblər.
Yekun nəticəyə əsasən I yeri “Alaşa” (Səncərədi) komandası, II yeri “Stansiya” (Astara) komandası, III yeri “Astara Qaz” (Astara Qaz XC) komandası qazanıb.
I yeri qazanan komanda və komanda üzvləri Astara Olimpiya İdman Kompleksinin kuboku, medalları və diplomları ilə, II və III yerləri qazanan komandalar və komanda üzvləri diplom və medalları ilə təltif olunublar.
Nərmin Əliyeva, Cənub Press
