Millət vəkili Rəşad Mahmudov Astara rayonundan olan komando kəşfiyyatçısı, şəhid Qurbanzadə Cəmil Anar oğlunun ailəsini ziyarət edib.
Cənub Press xəbər verir ki, ziyarət zamanı millət vəkili şəhidin Vətən uğrunda göstərdiyi şücaət və fədakarlığı yüksək qiymətləndirib. O bildirib ki, Qurbanzadə Cəmil kimi igidlərin qəhrəmanlığı xalqımız üçün əbədi nümunədir və onların əziz xatirəsi daim yaşadılacaq.
Şəhid ailəsinə Allahdan səbir dilənib, bütün şəhidlərimizə rəhmət oxunub. Qeyd olunub ki, dövlət və xalq hər zaman şəhid ailələrinin yanında olacaq, onların hörmət və dəstəyini əsirgəməyəcək.
Nərmin Əliyeva, Cənub Press
