Masallıda Yourpul.az – “Gənclərin Maliyyə Savadlılığı portalı” layihəsinin təqdimat tədbiri keçirilib.
Azərbaycan Respublikasının Gənclər Fondunun elan etdiyi “Rəqəmsal mövzulu” fərdi qrant müsabiqəsinin qalibi olan Yourpul.az – “Gənclərin Maliyyə Savadlılığı portalı” layihəsi çərçivəsində Masallıda təqdimat tədbiri təşkil edilib.
Layihə rəhbəri Ələkbər Hüseynzadə gələn iştirakçılara layihə haqqında ətraflı məlumat verərək, portalın Azərbaycan Respublikası Gənclər Fondunun maliyyə dəstəyi ilə yaradıldığını vurğulayıb.
Layihənin məqsədi gənclər arasında digital formada maliyyə savadlılığının artırılması və onların öz pullarını səmərəli istifadəsinə töhfə verməkdir.
Layihədə istifadə olunan materiallar və məlumatlar RODOOS Training Consulting MMC-nin peşəkar ekspertlərin dəstəyi ilə hazırlanmışdır.
Təqdimat tədbiri Gənclərin İnkişaf və Karyera Mərkəzinin Lənkəran-Astara Regional Nümayəndəliyinin Masallı bölməsinin təşkilati dəstəyi ilə təşkil edilibdir.
