“İnteraktiv rəqəmsal tədris platformalarının dərsə inteqrasiyası” layihəsinin bağlanış mərasimi keçirilib

Bağlanış mərasimində layihə rəhbəri, idarə heyəti üzvləri, müəllimlər və şagirdlər iştirak edib.

Çıxış edən layihə rəhbəri qeyd edib ki, layihənin məqsədi “Kahoot”, “Quizlet” və “Pear Deck” kimi interaktiv rəqəmsal tədris platformaları üzrə yeni bilik və bacarıqlar öyrətməklə müəllimlərin interaktiv tədris alətlərini tədris prosesində tətbiq etmələri ilə şagirdlər arasında rəqəmsal öyrənməni inkişaf etdirmək olub.

Bildirilib ki, layihənin icrası zamanı Şirvan şəhərində yerləşən məktəblərdən 30 müəllim seçilib, seçilmiş müəllimlərə “Kahoot” “Quizlet” və “Pear Deck” platformalarından istifadə və interaktiv tədris metodları ilə bağlı intensiv təlimlər keçirilib, müəllimlər rəqəmsal alətlərdən istifadə etməklə interaktiv tədris proqramları hazırlayıb və dərsləri yeni proqramla həyata keçirib.

Daha sonra çıxış edən müəllim və şagirdlər layihənin əhəmiyyətli olduğunu qeyd ediblər.

Qeyd edək ki, sözügedən layihə Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə VIII qrant müsabiqəsinin qalib layihələrindən biridir.