Cəlilabad rayonunun Xəlilabad kəndində sinif yoldaşı tərəfindən bıçaqlandığı deyilən 11-ci sinif şagirdi K.İ. xəstəxanada dünyasını dəyişib.
Oxu.Az-ın əldə etdiyi məlumata görə, bıçaqlanan yeniyetmə Cəlilabad Rayon Mərkəzinə çatdırılsa da, onun həyatını xilas etmək mümkün olmayıb.
17 yaşlı oğlan həkimlərin səyinə baxmayaraq, xəstəxanada dünyasını dəyişib.
Sentyabrın 16-da Cəlilabad rayonunun Xəlilabad kəndində yeniyetmələr arasında münaqişə baş verib.
Cənub Press-in məlumatına görə, 17 yaşlı S.Ə. sinif yoldaşı, yaşıdı K.İ.-yə bıçaqla xəsarət yetirib.
Yeniyetmə xəstəxanaya çatdırılıb.
S.Ə. polis əməkdaşları tərəfindən saxlanılıb.
Faktla bağlı araşdırma aparılır. (oxu.az)
Nərmin Əliyeva, Cənub Press
