İmişlidə Heydər Əliyev adına istirahət parkında əsaslı təmir-bərpa işləri davam etdirilir

İmişli rayonu ərazisindəki xiyaban və parklarda son vaxtlar aparılan genişmiqyaslı abadlıq-quruculuq işləri hal-hazırda da davam etdirilməkdədir.

Cenubpress-in məlumatına görə, bir müddət öncə İmişli şəhərində Ümummilli Lider Heydər Əliyevin adını daşıyan istirahət parkının bir hissəsində aparılan yenidənqurma işləri yekunlaşıb, artıq parkın digər hissəsində xeyli işlər görülüb.

Parkın ərazisində layihə üzrə müasir üslubda səki daşları, döşəmə plitələri düzülərək gediş-gəliş hissələri ayrılıb, həmçinin müasir işıqlandırma sistemi qurulub. Müasir dizaynla hazırlanmış oturacaqlar və gəzinti yolları ərazidə istirahət etmək istəyən sakinlərin rahatlığını təmin edəcək.

Yaxın günlərdə parkın ümumi ərazisində layihə üzrə aparılan işlər yekunlaşdırılacaqdır. Bu işlər parkın vizual gözəlliyini artırmaqla yanaşı sakinlər üçün daha gözəl istirahət şəraiti yaradacaq.